Ֆրանսիան շահագրգռված չէ տարածաշրջանում խաղաղության և կայունության հաստատմամբ. Բաքուն մեղադրանքներ է հնչեցրել

«Ադրբեջանի արտաքին գործերի նախարարությունը հերքում է Լաչինի ճանապարհի հետ կապված ֆրանսիական կողմի մեղադրանքները»։ Այս մասին ասվում է Ադրբեջանի ԱԳՆ տարածած հաղորդագրության մեջ։

«Մենք վճռականորեն մերժում ենք Ֆրանսիայի՝ Եվրոպայի և արտաքին գործերի նախարար Քեթրին Կոլոնայի և Հայաստանի ԱԳ նախարար Արարատ Միրզոյանի հեռախոսազրույցից հետո օգոստոսի 15-ի Ֆրանսիայի հայտարարության մեջ Ադրբեջանի հասցեին հնչեցված  մեղադրանքները։ Նրանք ասել են, որ «անհեթեթ» է Լաչինի սահմանային անցակետի աշխատանքը որպես Լաչինի ճանապարհը փակելու ձգտումը, որը «ստեղծվել է Լաչինի ճանապարհին քաղաքացիների, տրանսպորտային միջոցների և ապրանքների անվտանգությունը երաշխավորելու Ադրբեջանի պարտավորության համաձայն»՝ Հայաստանի կողմից դրա չարաշահումը ռազմական և անօրինական տնտեսական նպատակներով կանխելու համար»»,- ասված է Ադրբեջանի ԱԳՆ հաղորդագրության մեջ։

«Այն, որ ֆրանսիացի նախարարը իր հայտարարության մեջ անդրադարձել է Հայաստանում ԵՄ առաքելության ներկայացուցիչների գնդակոծման մասին տեղեկությանը, ևս մեկ անգամ ապացուցում է, որ Ֆրանսիան շահագրգռված չէ տարածաշրջանում խաղաղության և կայունության հաստատմամբ»,-հայտարարել է Ադրբեջանի ԱԳՆ-ն։