Բաքվին կոչ ենք անում կատարել ՄԱԿ-ի դատարանի որոշումը. Շվեյցարիայի ներկայացուցիչ
Արտաքին ՔաղաքականՇվեյցարիան Արցախի հարցով ՄԱԿ-ի ԱԽ նիստում կարևորել է գործընթացների դիվանագիտական ուղին, ընդգծել Լեռնային Ղարաբաղում բնակվող անձանց հիմնարար իրավունքների ապահովման անհրաժեշտությունը․
«Իրավիճակն անընդունելի է, անհապաղ պետք է բացվի կենսական կարևորություն ունեցող միջանցքը։ Ադրբեջանը պետք է ապահովի մարդկանց, բեռների և տրանսպորտի անխոչընդոտ շարժը Լաչինի միջանցքով»,- ասել է Շվեյցարիայի ներկայացուցիչը։
Նա նշեց՝ կոչ են անում կողմերին հավատարիմ մնալ իրենց հանձնառություններին, որոնք ստանձնել են 2020 թ. նոյեմբերի 9-ի համաձայնագրով։
Բանախոսը վկայակոչեց Արդարադատության միջազգային դատարանի վճիռը, ըստ որի, Ադրբեջանը պետք է ձեռնարկի բոլոր հնարավոր միջոցները՝ ապահովելու Լաչինի միջանցքով մարդկանց, ապրանքների, բեռների երկկողմ տեղափոխումը։
«Մենք սատարում ենք այս հայտարարությունները։ Բացի այդ, ուզում եմ ընդգծել, որ պետք է ապահովվի անխոչընդոտ, ապահով մուտքը ԼՂ մարդասիրական դերակատարների համար, ինչպես պահանջվում է մարդասիրական միջազգային իրավունքով։ Կոչ ենք անում ԿԽՄԿ-ին գտնել հումանիտար կոնսենսուս, որպեսզի մարդասիրական օգնությունը հասնի բնակչությանը, որն ունի դրա կարիքը»,-ասաց նա։
Շվեյցարիայի ներկայացուցիչը նաև կողմերին կոչ արեց ձեռնարկել միջոցառումներ, որոնք կթուլացնեն լարվածությունը, ջանքեր գործադրել հարաբերությունների կարգավորման, խաղաղության պայմանագրի կնքման համար։
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
