Արամ Հարությունյանը Խոսրովի անտառում կքննարկի արգելոցին վերաբերող հարցեր
Վերջին լուրեր
Հանրապետությունում լայն արձագանք են ստացել «Խոսրովի անտառ» պետական արգելոցի շուրջ վերջին շրջանում ծավալված իրադարձությունները:
Ձևավորվել է հանրային պահանջ՝ հանրության լայն շրջանների հետ քննարկելու առկա խնդիրները և իրականացնելու դրանց լուծմանն ուղղված գործողություններ:
Այդ նպատակով ՀՀ բնապահպանության նախարար Արամ Հարությունյանի նախաձեռնությամբ սույն թվականի նոյեմբերի 5-ին,«ՙԽոսրովի Անտառ» պետական արգելոցի «Խոսրովի» տեղամասի այցելուների կենտրոնում կազմակերպվելու է խորհրդակցություն՝ ոլորտին աջակցող միջազգային կազմակերպությունների, ԳԱԱ ոլորտային ինստիտուտների, բուհերի ներկայացուցիչների հետ: Որպես նախաձեռնող կողմ բնապահպանության նախարարությունն առաջարկելու է խորհրդակցության օրակարգում ընդգրկել պահպանվող տարածքների մասին օրենսդրության բարելավման, արգելոցի պահպանման ռեժիմն իրականացնող աշխատակազմի մասնագիտական վերապատրաստման և տեխնիկական վերազինման, ֆինանսական միջոցների համալրման և արդյունավետ օգտագործման, կադրային համալրման, համայնքային իրազեկման, անվտանգ էկոտուրիզմի զարգացման հետ կապված հարցեր:
Օրակարգային են նաև «Խոսրովի անտառ՚»պետական արգելոց մուտքի էլեկտրոնային թույլտվություններ ստանալու կարգի մշակման, ՙԽոսրովի անտառ՚-ի վարչական սահմաններին տեսախցիկների տեղադրման և էկոպարեկային խմբերի ստեղծման աշխատանքների կարգի մշակման և այլ հարցեր:
ՈՒՂԻՂ ԵԹԵՐ
Ամենադիտված 
Ստեփան Դեմիրճյանին հրապարակային զգուշացնում եմ․ Քեզ տրվում է 24 ժամ ժամանակ. Լեւոն Բաղդասարյան
