Օզբիլիսը և Մարկոսը հաղթանակ բերեցին «Կուբանին»

Ռուսաստանի առաջնության 14-րդ տուրում Կրասնոդարի «Կուբանը» հյուրընկալվեց «Ամկարին»։ Հանդիպումն ավարտվեց հյուրերի հաղթանակով՝ 0–3 հաշվով։ Հանդիպման հաշիվը բացվեց 59–րդ րոպեին. գոլի հեղինակ դարձավ Բալդեն։ Այնուհետև Հայաստանի հավաքականի ֆուտբոլիստ Արազ Օզբիլիսը 11 մետրանոց հարվածով կրկնապատկեց հաշիվը, իսկ հանդիպման վերջնամասում՝ 87–րդ րոպեին, մեր հավաքականի մեկ այլ ֆուտբոլիստ՝ Մարկոս Պիզելին, վերջակետ դրեց հանդիպմանը՝ երրորդ գնդակն ուղարկելով տան տերերի դարպասը։