Պարապուրդի մատնված ՔՊ-ականների պարտականությունները կատարում են այլազգի պաշտոնյաները

Մինչ եվրոպական տարբեր կառույցների ներկայացուցիչներ, այլազգի հասարակական-քաղաքական գործիչներ բարձրաձայնում են Լաչինի միջանցքի ապօրինի շրջափակման և դրա հետևանքով առաջացած հումանիտար աղետի մասին՝ հայ երեսփոխանները և, մասնավորապես, առանցքային հանձնաժողովների և պատվիրակությունների նախագահներն իրենց ամառային հանգիստն են վայելում։

Հարց է առաջանում՝ ո՞ւր է դիցուք՝ ԵԽԽՎ-ում մեր պատվիրակության ղեկավար Ռուբեն Ռուբինյանը, ԵԱՀԿ-ում մեր պատվիրակության ղեկավար Սարգիս Խանդանյանը, Մարդու իրավունքների պաշտպանության և հանրային հարցերի մշտական հանձնաժողովի նախագահ Ռուստամ Բաքոյանը, Տարածաշրջանային եւ եվրասիական ինտեգրման հարցերի մշտական հանձնաժողովի նախագահ Վաղարշակ Հակոբյանը, Հայաստան-ԱՄՆ բարեկամական խմբի ղեկավար Հայկ Կոնջորյանը, Հայաստան-Իրան բարեկամական խմբի ղեկավար Գևորգ Պապոյանը և մյուսները:

Այս օրերին վերջիններս պետք է թակեին բոլոր հնարավոր միջազգային կառույցների դռները՝ հայանպաստ որոշումներ և դիրքորոշումներ կորզելու համար, մինչդեռ, նրանց փոխարեն, Արցախի և  սովի մատնված արցախցիների խնդիրների մասին բարձրաձայնում են նրանց արտասահմանցի գործընկերները, ինչը, միանշանակ, պատիվ չի բերում՝ սեփական հանգիստը պետական շահերից վեր դասած ՔՊ-ականներին: