Մեծ Բրիտանիայում որոնում են երեխաներից ծծակներ գողացողին

Բրիտանական ոստիկանությունը հետախուզում է հայտարարել սերիական ծծակ գողացողի նկատմամբ, ով խլում է դրանք Էսսեքս նահանգի Հարլոու քաղաքի երեխաներից: Այս մասին հայտնում է Sky News-ը։

2023 թվականի սկզբից արդեն գրանցվել է չորս նման դեպք։ Անծանոթ տղամարդը մոտենում է և հենց նորածինների բերանից խլում ծծակները. եղել է նաև դեպք, երբ նա հարձակվել է երեխայի վրա։

Ականատեսները հանցագործիննկարագրում են որպես 20-ամյա սպիտակամորթ տղամարդ՝ նիհար կազմվածքով, բաց շագանակագույն աչքերով և դեղնած ատամներով:

«Սրանք արտասովոր դեպքեր են, և որպես ծնող՝ ես հասկանում եմ, թե որքան անհանգստացնող են դրանք: Այնուամենայնիվ, ես ուզում եմ հավաստիացնել Հարլոուի բնակիչներին, որ մենք ունենք քննիչներ, ովքեր ուսումնասիրում են այս միջադեպերը»,- քաղաքի բնակիչներին վստահեցրել է տեղի ոստիկանության ներկայացուցիչ Փոլ Օսթինը։