Սերժ Թանկյանն «Imagine dragons» խմբին կոչ է արել չեղարկել Բաքվում կայանալիք համերգը

Աշխարհահռչակ ռոք երաժիշտ և ակտիվիստ Սերժ Թանկյանն ամերիկյան «Imagine dragons» խմբին կոչ է արել չեղարկել Բաքվում կայանալիք համերգն ու ստորագրահավաք է սկսել։ 

«Մի քանի ամիս առաջ իմ ուշադրությանն արժանացավ, որ «Imagine dragons»-ը սեպտեմբերի 2-ին շոու է նախատեսել Ադրբեջանում՝ Բաքվում: Ես վստահ էի, որ նրանք տեղյակ չէին, որ Ադրբեջանի նավթաօլիգարխիկ բռնապետական ռեժիմը Լեռնային Ղարաբաղում սովի է մատնում 120 հազար մարդու, որն այժմ Միջազգային քրեական դատարանի նախկին դատախազ Լուիս Մորենո Օկամպոն ցեղասպանություն է անվանում։ Ուստի ներկայացուցիչների միջոցով ես նրանց բարի նամակ ուղարկեցի՝ կոչ անելով վերանայել Ադրբեջանում իրենց շոուն իրակացնելը, քանի որ դա կօգնի մաքրել բռնատիրական ռեժիմի իմիջն այնտեղ: Ես ներառեցի տարբեր հոդվածներ, ներառյալ Amnesty Int’l-ի հոդվածներից մեկը, ում հետ, ինձ ասացին, որ նրանք աշխատել են անցյալում: Արձագանք չեղավ։ Ոչ մի պատասխան, ոչ մի արձագանք: Քանի որ հումանիտար ճգնաժամը Լեռնային Ղարաբաղում սրվում է, քանի որ սովամահություն է արդեն գրանցվում, ես ստիպված եմ հրապարակել այդ նամակը և նրանց արհամարհումը այս հումանիտար աղետի նկատմամբ»,– գրել է նա՝ նշելով, որ դա ճիշտ չէ։ա