Մասնագետը անվանել է այն սնկերը, որոնք բարձրացնում են լիբիդոն

Կանխարգելիչ բժշկության մասնագետ Օլգա Ցարևան պատմել է, թե որ սնկերը կարող են մեծացնել լիբիդոն։ Մասնագետի կարծիքով՝ աղվեսասունկն ու սպիտակ սունկն են լավագույնս ազդում տղամարդկանց և կանանց լիբիդոյի վրա։

«Վիտամիններն ու հանքանյութերը, ինչպիսիք են մագնեզիումը, B խմբի վիտամինները, երկաթը, սելենիումը, ցինկը, վիտամին C-ն, վիտամին D-ն, ամենաուժեղ ազդեցությունն ունեն լիբիդոյի բարձրացման վրա: Այս օգտակար սննդանյութերի բաղադրության առումով առաջատարը սնկերն են: Դրանք գործնականում պարունակում են B վիտամինների ամբողջ համալիրը, ինչը նրանց յուրահատուկ է դարձնում: Հարուստ են մագնեզիումով, երկաթով, C, PP, A, D2 վիտամիններով, միկրոէլեմենտներով և ամինաթթուներով: Երկրորդ տեղում սպիտակ սունկն է»,- Ցարևայի խոսքերն է մեջբերում Gazeta.Ru-ն:

Բժիշկը խորհուրդ է տալիս ուտել թարմ սունկ՝ նվազագույն ջերմային մշակմամբ՝ դրանցում սննդանյութերի առավելագույն քանակությունը պահպանելու համար։ Որպեսզի սունկն ավելի լավ ներծծվի, այն պետք է ուտել խոտաբույսերի և բանջարեղենի հետ՝ վերամշակված վիճակում։