«Այլևս չեմ կարող դիմանալ այս ցավին»․ Բրիթնի Սփիրսը խոսել է ամուսնալուծության մասին

Երկու օր առաջ Սեմ Ասգարին հայտարարեց, որ ամուսնալուծվում է աստղից։ Պատճառն իբր նրա դավաճանությունն է եղել։ Բրիթնի Սփիրսն այսօր առաջին անգամ խոսել է բաժանման մասին։

Ֆիթնես մարզիչին լուրեր են հասել կնոջ դավաճանության մասին, ասում են՝ նա իրեն դավաճանել է տաղ աշխատողներից մեկի հետ։ Բացի այդ, կատարողն սկսել է իրեն ագրեսիվ պահել, մեկ անգամ չէ, որ ձեռք է բարձրացրել ամուսնու վրա: Տղամարդն այլևս չի դիմացել, հեռացել է տնից և ամուսնալուծության գործընթացի համար փաստաբաններ վարձել։ Խոսակցություններ կան, որ Սեմը շանտաժի օգնությամբ համոզում է արտիստին նորից բանակցել ամուսնական պայմանագրի շուրջ՝ մեծ գումարներ ստանալու համար։

Այսօր Սփիրսը հրապարակել է արդեն ավանդական դարձած պարային հոլովակ։ Շիկահերը տանը զվարճանցել է բաց կանաչ բիկինիով, սև տոպով և երկարաճիտ կոշիկներով։ Անկեղծ կադրերին կից Սփիրսը հուզիչ գրառում է կատարել։

«Ինչպես բոլորը գիտեն, ես և Սեմն այլևս միասին չենք: Վեց տարին հսկայական ժամանակ է հարաբերությունների համար, ուստի ես մի փոքր ցնցված եմ: Բայց ես այստեղ չեմ, որպեսզի բացատրեմ, թե ինչու դա տեղի ունեցավ: Ճիշտն ասած, դա ոչ մեկի գործը չէ։ Այնուամենայնիվ, ես այլեւս չեմ կարող դիմանալ այս ցավին։ Ինչ-որ տելեպատիկ ձևով ես ստանում եմ բազմաթիվ հաղորդագրություններ, որոնք հալեցնում են իմ սիրտը: Շնորհակալություն», — գրել է աստղը։

Երգչուհին խոստովանել է, որ իր համար դժվար է, բայց ցավը ցույց չի տալիս։ Բրիթնին շնորհակալություն է հայտնել բոլորին, ովքեր իրեն ուղարկել են աջակցության խոսքեր և բացատրել, որ իրականում ամեն ինչ ամենևին էլ այնքան վարդագույն չէր, որքան ինքը ցույց էր տալիս սոցիալական ցանցերում։