Հայաստանում տեղի ունեցած վթարի հետևանքով զոհվել է Բելառուսի քաղաքացի․ կան նաև տուժածներ
Արտակարգ Պատահար
Բելառուսի ԱԳՆ մամուլի ծառայությունից հայտնում են, որ Հայաստանում դժբախտ պատահար է տեղի ունեցել, որի հետևանքով տուժել են Բելառուսի քաղաքացիներ, հաղորդում է ont.by-ը։
Ըստ առկա տեղեկությունների՝ վթարը տեղի է ունեցել Երեւան-Սիսան ավտոճանապարհին։ Միջադեպի հետեւանքով մեկ մարդ է մահացել։
«Վթարի հետևանքով մեկ բելառուս կին է մահացել։ Բելառուսի երեք քաղաքացիներ տեղափոխվել են բուժհաստատություն, որտեղ լրացուցիչ հետազոտություն են անցել»,- հայտնել են Բելառուսի ԱԳՆ-ից։
Գործակալության տվյալներով՝ այժմ Հայաստանում Բելառուսի դեսպանատունը համագործակցում է հայկական և բելառուսական ծառայությունների հետ։
Բելառուսի արտաքին գործերի նախարարությունը ցավակցություն և զորակցություն է հայտնել զոհվածների ընտանիքներին։
Ավելի վաղ ՀՀ ՆԳՆ ՓԾ–ից հայտնել էին, որ Երևան-Սիսիան ավտոճանապարհի 149-րդ կմ-ին «Toyota» մակնիշի ավտոմեքենան (վարորդ՝ Մ․ Ս․) դուրս է եկել ավտոճանապարհի երթևեկելի հատվածից և կողաշրջվել․ ուղևոր՝ Ի․ Ռ․-ն (ծնված 1993 թ.) մահացել է, իսկ Ա․ Ա․-ն, Ա․ Յ․-ն և Յ․ Կ․-ն հոսպիտալացվել են բժշկական կենտրոն, որտեղ բժիշկները նրանց առողջական վիճակը գնահատել են բավարար:
Փրկարարները հոսանքազրկել են ավտոմեքենան, իսկ Ի․ Ռ․-ի դին մոտեցրել շտապօգնության ավտոմեքենային:
ՈՒՂԻՂ ԵԹԵՐ
Ամենադիտված 
«Նուբարաշեն» ՔԿՀ-ում հայտնաբերվել է մանկապղծության համար դատապարտված տղամարդու մարմինը
