«Իմպուլս»-ը առավելության հասավ «Շիրակի» նկատմամբ

Հայաստանի  Բարձրագույն խմբի առաջնության 28-րդ տուրում «Իմպուլսը» հյուրընկալեց Գյումրիի «Շիրակին»:  Խաղն ավարտվեց «Իմպուլսի» խաղացողների հաղթանակով` 3-1 հաշվով: Հանդիպման ատռաջին գոլը խփվեց հենց մեկնարկին. գոլն իր հաշվին գրանցեց Նորայր Գյոզալյանը, այնուհետև նա դարձավ դուբլի հեղինակ: Առաջին խաղակեսի վերջին րոպեին գոլ խփեց Ռումյան Հովսեփյանը: Թիմերն ընդմիջման գնացին 3-0 հաշվով: Երկրորդ խաղակեսում հյուրերին հաջողվեց կրճատել հաշվի տարբերությունը. 50-րդ րոպեին գոլի հեղինակ դարձավ  Անդրանիկ Բարիկյանը: Հյուրերին ավելին անել չհաջողվեց:

Նշենք, որ առաջին խաղակեսում թիմերը մնացին 10 հոգով` դաշտից հեռացվեց նախ Վաչիկ Եղիազարյանը (30), ապա՝ Կարեն Մուրադյանը (35)։