Տղամարդն առևանգել է անծանոթ կնոջը և մաչետեով կտրել նրա մազերը

ԱՄՆ-ում ոստիկանությունը հայտնաբերել է մի կնոջ, ում առևանգողը շղթայել էր հատակին։ Այս մասին հայտնում է Mirror-ը։

Կենտուկի նահանգի Լուիսվիլ քաղաքի ոստիկանները 36-ամյա Մոիսիս Մեյի տանը կատարվողի մասին իմացել են նրա հարեւաններից։ Վերջիններս ահազանգել են շտապօգնություն և հայտնել, որ շինության ներսում անհայտ անձ է, ով արդեն հինգ ժամ է՝ օգնություն է կանչում։

Փրկարարական աշխատանքների արդյունքում 37-ամյա կինը օգոստոսի 16-ին ազատ է արձակվել։ Հրշեջներն ու ոստիկանության աշխատակիցները դժվարությամբ բացել են տան դռները և հայտնաբերել կնոջը՝ շղթայված հատակին։ Տուժողը պատմել է, որ հարձակվողը մաչետեով կտրել է իր մազերը, ստիպել մերկանալ, շղթա է կապել իր պարանոցին, իսկ հետո հեռացել՝ խոստանալով առևանգվածի հարցերը լուծել վերադառնալուն պես։

Կինն ինքն է մտել տղամարդու տուն, երբ վերջինս նրան գումար է առաջարկել մաքրության համար։ Դրանից անմիջապես հետո հարձակվողը նրան դարձրել է իր գերին։

«Նա հարցրեց. «Ուզու՞մ եք, որ ես դա անեմ վատ, թե լավ ձևով»: Ես պատասխանեցի, որ լավ ձևով եմ ուզում, և թույլ տվեցի, որ շղթա կապի վզիս, որից հետո նա սկսեց խեղդել ինձ դրանով»,- պատմել է տուժողը։

Նշվում է, որ ձերբակալվածին մեղադրանք է առաջադրվել։