Գարիկ Սարգսյանը «փուռն է տալիս» ՔՊ-ին

Վեդիի համայնքապետ Գարիկ Սարգսյանը, ով Արարատի մարզպետի պաշտոնը լքելուց հետո այլևս չի փայլում իր մտքի գոհարներով, վերջերս ֆեյսբուքյան իր էջում մի գրառում էր կատարել: Այն ներկայացնում ենք ձեր ուշադրությանը:

Այժմ ընթերցողի ուշադրությանը ներկայացնենք պոպուլիզմ տերմինի գիտական բացատրությունը: Ըստ Օքսֆորդի բառարանի՝ պոպուլիզմը քաղաքականություն է՝ ուղղված քաղաքացիներին, որոնք զգում են էլիտաների անտարբերությունն իրենց հանդեպ: Բրիտանիկա հանրագիտարանը պոպուլիզմը բնութագրում է իբրև քաղաքական շարժում կամ ծրագիր, որի շահառուն անհատն է, և որն ուղղված է էլիտաների դեմ: 

Որքան հասկանում ենք՝ էլիտան դա օրվա իշխանությունն է, այսինքն՝ ՔՊ-ն: Ստացվում է, որ կոկորդիլոսագետ Գարիկ Սարգսյանն, այսքան տարի լինելով քաղաքականության մեջ, անգամ տեղյակ չէ, թե ինչ է նշանակում իր կողմից օգտագործվող տերմինը:

Սակայն, կա ևս մեկ տարբերակ՝ այն, որ Գարիկ Սարգսյանը որոշել է չափից դուրս անկեղծ լինել և փուռը տալ ՔՊ-ին՝ ինքնախոստովանությամբ հանդես գալով և բացահայտելով, որ իրենց արածը պոպուլիզմ էր և պոպուլիզմ է....