Վաղը սպասվում է կարճատև անձրև և ամպրոպ, քամու ուժգնացում

Օգոստոսի 28-ին Երևանում, Արարատյան դաշտում, Արագածոտնի, Կոտայքի, Վայոց ձորի նախալեռնային հատվածում բարձր կարգի հրդեհավտանգ իրավիճակը կպահպանվի։

Երևանի առանձին հատվածներում այսօր ուշ երեկոյան հնարավոր է, օգոստոսի 29-ին սպասվում է կարճատև անձրև և ամպրոպ, ամպրոպի ժամանակ սպասվում է քամու ուժգնացում՝ 15-18մ/վ արագությամբ։

Օգոստոսի 30-ին, 31-ին, սեպտեմբերի 1-ին, 2-ին սպասվում է առանց տեղումների եղանակ։
 

Մարզերում այսօր ուշ երեկոյան, օգոստոսի 29-ի և 30-ի գիշերն առանձին շրջաններում, 29-ի ցերեկը շրջանների զգալի մասում սպասվում է կարճատև անձրև և ամպրոպ, 29-ի ցերեկն առանձին հատվածներում՝ ինտենսիվ, տեղ-տեղ հնարավոր է նաև կարկուտ։
Օգոստոսի 30-ի ցերեկը, 31-ին, սեպտեմբերի 1-ին, 2-ին սպասվում է առանց տեղումների եղանակ։

Քամին՝ արևմտյան 4-6մ/վ, ամպրոպի ժամանակ սպասվում է քամու ուժգնացում 18-23մ/վ արագությամբ։

Օդի ջերմաստիճանն օգոստոսի 29-ի ցերեկը կնվազի 3-6 աստիճանով, 30-ին, 31-ին, սեպտեմբերի 1-ին աստիճանաբար նույնքան կբարձրանա։

Լեռնային Ղարաբաղում այսօր սպասվում է առանց տեղումների եղանակ, վաղը՝ անձրև և ամպրոպ։