Նորապսակները 8 հազար եվրոյով հարսանիք են կազմակերպել Իտալիայում և առանց վճարելու փախել հարսնացուի հայրենիք

Նորապսակները հրաժարվել են վճարել բանկետի համար իտալական ռեստորանում, որում սպասարկել են նրանց 80 հյուրերին։ Այս մասին հայտնում է Daily Mail-ը։

2022 թվականի օգոստոսին իտալացի Մորենո Պրիորետտին և Գերմանիայի բնակչուհի Անդրե Սվենյան իրենց ամուսնությունը նշել են Ֆրոզինոնեում գտնվող Ristorante La Rotonda ռեստորանում՝ 8000 եվրո արժողությամբ բանկետով:

Հայտնի է, որ փեսան, նրա ծնողները և հարսնացուն այցելել են ռեստորան և փորձել մենյուի բազմազան տարբերակներ՝ նախատեսված տոնակատարությունից յոթ ամիս առաջ։ Նորապսակները խոստացել են վճարել հաշիվը հարսանիքի հաջորդ օրը, սակայն անհետացել են։

Պարզվել է, որ խնջույքից անմիջապես հետո զույգը մեքենայով մեկնել է Հռոմ, իսկ այնտեղից ընտանիքի հետ թռել է Ֆրանկֆուրտ։ Նախ ռեստորանի սեփականատերը, ով սպասում էր հաշիվը վճարելուն, այցելել է փեսայի տուն և զրուցել հարևանների հետ, ապա դիմել ոստիկանություն, որը պարզել է զույգի գտնվելու վայրը։

Պրիորետտիին սկսել է հետապնդել ինչպես իտալական, այնպես էլ գերմանական ոստիկանությունը, այնուհետև նա, այնուամենայնիվ, համաձայնել է վերադարձնել գումարը։ Սակայն տղամարդը որոշել է վիճարկել պարտքի չափը եւ փաստաբան է վարձել։

«Ճշմարտությունը միշտ ինչ-որ տեղ մեջտեղում է, և ես կարող եմ ձեզ վստահեցնել, որ չվճարված հաշիվը պարոն Ֆաբրիցիի (ռեստորանի սեփականատիրոջ – խմբ․) պահանջածի կեսն է», - ասել է փաստաբանը: Նրա խոսքով՝ գումարի կեսը վճարվել է հարսանիքի ժամանակ։

«Իմ պաշտպանյալը վճարել է 3285 եվրո, եղել է 4850 եվրո մնացորդ, որը նա վճարել է այսօր առավոտյան, ուստի ամեն ինչ կարգավորված է»,- հոկտեմբերի 4-ին եզրափակել է փաստաբանը։

Սակայն ռեստորանի սեփականատերն ասել է, որ նախկին հաճախորդը դեռ չի վճարել իրեն։ «Երբ տեսնեմ ապացույցներ, որ հաշիվը վճարված է, ես հետ կվերցնեմ հայցը, բայց ինչպես ասացի, դեպոզիտ կամ վճարված մնացորդ չեմ տեսել»,- նշել է տղամարդը։ Նա մտավախություն ունի, որ չվճարված հաշիվը կարող է հանգեցնել սնանկացման:

Այս թեմայով Հռոմեական արձակուրդը կարող է մղձավանջ դառնալ առաջիկա մի քանի օրվա ընթացքում Իտալիա այցելողների համար Վարանը ժամանել է Իտալիա․ կբանակցի Ա սերիայի ակումբի հետ Քննարկվել են ՀՀ-Իտալիա ռազմական համագործակցության հարցեր 2024 թվականին մենք վերապրում ենք 1915 թվականի ողբերգությունը․ Իտալիայի փոխվարչապետ (տեսանյութ) ԵՄ–ի և Հայաստանի հարաբերություններն առանձնահատուկ դինամիկա են ապրում․ Իտալիայի ԱԳ փոխնախարար