Կինը մազերը ներկելուց հետո կուրացել է

Բրիտանուհին մազերը ներկելուց հետո մի քանի օրով կորցրել է տեսողությունը, գրում է Mirror-ը։ Բրիտանուհու խոսքով՝ դա ներկից ալերգիայի պատճառով է եղել։

49-ամյա Շաֆրան Վիլը ասում է, որ իր մազերը ներկել է «հարյուրավոր անգամներ» և միշտ օգտագործել է նույն ներկը: Սակայն վերջին պրոցեդուրայից հետո ամեն ինչ ըստ պլանի չի ընթացել, եւ կինը ստիպված է եղել դիմել բժշկի օգնությանը։ Բրիտանուհու դեմքն ու աչքերն այնքան էին ուռել, որ նա այլեւս չէր տեսնում։

«Ես նման էի սկյուռիկի կամ բոուլինգի գնդակի», - հիշում է Վիլը:

Պարզվել է, որ Շաֆրանը ներկի պատճառով ալերգիկ ռեակցիա է ունեցել։ Բժիշկները ստիպված են եղել հատուկ բուժիչ քսուք քսել կնոջ մաշկին և նշանակել հակահիստամինային դեղերի կուրս։

«Ես 10 օր գլխացավ ունեի, այսինքն՝ մոտավորապես այդքան ժամանակ է պահանջվել, որ այտուցը վերանա: Ես նույնիսկ չգիտեի, թե ինչ եմ նախաճաշում, քանի որ պարզապես չէի տեսնում», - հավելել է նա:

Ամենից շատ Շաֆրանն անհանգստանում էր, որ իր տեսողությունը երբեք չի վերադառնա, և այժմ նա երախտապարտ է բժիշկներին, ովքեր իրեն ոտքի կանգնեցրին և վերականգնեցին իր տեսողությունը։