Հետախուզման մեջ գտնվող տղամարդը ոստիկանությանն առաջարկել է վճարել իրեն՝ իր գտնվելու վայրի մասին տեղեկությունների համար

Անգլիական ոստիկանության կողմից հետախուզվող կասկածյալը գումար է խնդրել իր գտնվելու վայրի մասին տեղեկություններ հաղորդելու համար։ Այս մասին հայտնում է Daily Mail-ը։

Լյուկ Մաքիներնին հարձակման հետ կապված իրավիճակի պատճառով հայտնվել է ներքին գործերի իշխանությունների ուշադրության կենտրոնում,։ Հաղորդվում է, որ հարձակում կատարելուց հետոնա փախուստի է դիմել։ Դեպքից անմիջապես հետո տեղի ոստիկանությունը ֆեյսբուքյան իր պաշտոնական էջում հաղորդագրություն է հրապարակել նրա հետախուզման մասին:

Այնուհետև ենթադրյալ հանցագործը մտել է հրապարակման մեկնաբանությունների բաժին և այնտեղ իր առաջարկը թողել իրավապահներին։ Դրանում նա նշել է, որ ինքը կպատմի, թե որտեղ է, եթե իրեն գումար առաջարկեն։

Իր ինքնությունը հաստատելու համար Մաքիներնին տեսանյութ է հրապարակել, որտեղ պատկերված է մոխրագույն մարզաշապիկով և բեյսբոլի սև գլխարկով, որի վրա գրված է «Luke»:

«Այստեղ եմ ես: Տեսեք, իմ անունը նույնիսկ գլխարկի վրա է գրված։ Բռնե՛ք ինձ, եթե կարող եք»,- դիմել է նա ոստիկաններին:

Նշվում է, որ իրավապահները շարունակում են որոնել նախկինում ծանր հանցագործությունների համար դատապարտված տղամարդուն։

Այս թեմայով 285-ամյա կիտրոնը վաճառվել է 1780 դոլարով Ջրմուղագործը լոգասենյակում ոսկորների կույտ է հայտնաբերել Անգլիայում կառնավալի ժամանակ վեց ոստիկանի են կծել, մեկին էլ փորձել են բռնաբարել Անգլիայում հայտնաբերվել է միջնադարյան աղջկա դի՝ կապված ոտքերով (լուսանկարներ) Անգլիայում երեխաները նկարել են թանգարանում գտնվող 230-ամյա արձանի վրա