Մեծ Բրիտանիայում հազվագյուտ սպիտակ եղնիկի են լուսանկարել

Բրիտանացի ուսանողուհին լուսանկարել է հազվագյուտ սպիտակ եղնիկի, երբ հոր հետ ձկնորսություն էր անում, գրում է Goodnewsnetwork-ը։

Ինչպես պատմել է 19-ամյա Էշա Պատելը, եղնիկը դուրս է եկել անտառից երկու եղբայրների հետ, որոնց մորթին ուներ շագանակագույն երանգ։ Բացի այդ, ալբինոս կենդանին չի վախեցել մարդկանցից եւ ավելի է մոտեցել բրիտանուհուն։

«Գեղեցիկ էր»,- ասել է Էշան, ով մի քանի լուսանկար է արել:

Հետագայում ուսանողուհին կարդացել է, որ սպիտակ եղնիկի հետ հանդիպելու հավանականությունը մոտավորապես 30 հազարից 1 է: 

Բրիտանուհին նշել է, որ չի հայտնում, թե կոնկրետ որտեղ է տեղի ունեցել իր հանդիպումը արտասովոր եղնիկի հետ՝ կենդանուն վտանգի տակ չդնելու համար։