Հայրը ահազանգել է ոստիկանություն և հայտնել, որ որդին թավայով մահափորձ է կատարել իր նկատմամբ

SHAMSHYAN.com-ի տեղեկություններով Հայաստանի Քննչական կոմիտեի Երևան քաղաքի քննչական վարչության Արաբկիրի քննչական բաժնում ՀՀ Ներքին գործերի նախարարության Ոստիկանության Արաբկիրի բաժնից ձևակերպված փաստաթղթեր են ստացվել՝ հոկտեմբերի 8-ին Ոստիկանության Արաբկիրի բաժին դիմած Երևանի բնակիչ 59-ամյա Սերգեյ Գ.-ի ահազանգի փաստով: Այդ օրը վերջինս ոստիկանության Արաբկիրի բաժնում հայտնել է, որ իր 35-ամյա տղան իրենց տանը իր նկատմամբ մահափորձ է իրականացրել:

Աղբյուրի հաղորդմամբ՝ նշված հասցե են ժամանել ոստիկանության Արաբկիրի բաժնի օպերատիվ խումբը՝ քրեական հետախուզության բաժանմունքի ավագ օպերլիազորի գլխավորությամբ:

Տեղում Սերգեյ Գ.-ն ոստիկաններին հայտնել է, որ կենցաղային հարցերի շուրջ վիճաբանություն է ծագել իր և իր որդու միջև, որի ժամանակ որդին թավայով հարվածել է իր գլխին և ճակատին, ինչի հետևանքով իրեն պատճառվել է մարմնական վնասվածք:

Ավելին՝ սկզբնաղբյուր կայքում։