Քրեական գործ՝ ՌԴ Դումայի նախկին պատգամավոր Եղիազարյանի դեմ

Ռուսաստանի Պետդումայի նախկին պատգամավոր Աշոտ Եղիազարյանը մեղադրյալ է ճանաչվել 720 մլն ռուբլու արժողությամբ ֆինանսական միջոցների օրինականացման մասին քրեական գործով. հայտնում է Lifenews-ը:

Միջազգային հետախուզման մեջ գտնվող Աշոտ Եղիազարյանին հեռակա կարգով մեղադրանք է ներկայացվել 174.1 հոդվածին համապատասխան:

Հետաքննությունից թաքնվող նախկին պատգամավորը, ով մեղադրվում էր «Центурион Альянс» ՓԲԸ-ի բաժնեմասերի հետ իրականացրած խարդախությունների համար, իր հաշվին գրանցել է ևս մեկ դրվագ:

Հետաքննչական կոմիտեն եկել է այն եզրահանգման, որ ժողովրդական պատգամավորը ոչ միայն խարդախություն է իրականացրել ընկերության 720 մլն ռուբլի արժողությամբ բաժնեմասերի հետ, այլև փորձել է օրինականացնել դրանք: