«Գույքի նկատմամբ իրավունքների պետական գրանցման մասին» օրենքում լրացում կատարելու նախագծի քննարկումը հետաձգվեց

ԱԺ ԲՀԿ խմբակցության պատգամավոր Էլինար Վարդանյանի ղեկավարած «Գույքի նկատմամբ իրավունքների պետական գրանցման մասին» Հայաստանի Հանրապետության օրենքում լրացում կատարելու մասին նախագիծն այսօր ԱԺ-ում Պետական-իրավական հարցերի մշտական հանձնաժողովի նիստի ժամանակ որոշվեց ընդունել, քանի որ Կառավարությունը ևս կողմ է եղել փոփոխություններին։

ԲՀԿ-ական Էլինար Վարդանյանը նշեց, որ դատական պրակտիկայում դատարանների վճիռներով լիազոր մարմնի կողմից վերոնշյալ տեղեկատվության տրամադրման վերաբերյալ մերժման գրությունները բազմիցս ճանաչվել են անվավեր, և բավարարվել են հայցվոր կողմի պահանջները:

Ըստ նախագծի՝ առաջարկվում է «Գույքի նկատմամբ իրավունքների պետական գրանցման մասին» Հայաստանի Հանրապետության օրենքում լրացում կատարել.

Հոդված 1. «Գույքի նկատմամբ իրավունքների պետական գրանցման մասին» Հայաստանի Հանրապետության 1999թ. ապրիլի 14-ի ՀՕ-295 օրենքի 11-րդ հոդվածի 5-րդ մասում «դատարաններին, քրեական հետապնդում իրականացնող մարմիններին» բառերից հետո լրացնել նաեւ «փաստաբաններին՝ իրավաբանական օգնություն ցույց տալու համար» բառը:

Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:

ԱԺ պետական-իրավական հարցերի մշտական հանձնաժողովի նախագահ Դավիթ Հարությունյանն առաջարկեց քննարկումը շարունակել քառօրյային հաջորդող նիստում և առաջարկվեց հարցը հետաձգել մինչև մեկ տարի ժամկետով։ 

Նախագծի հեղինակ Վարդանյանն ընդունեց առաջարկը։