Լատվիայում ևս ցանկանում են ապաքրեականացնել մարիխուանան

Լատվիայում ստորագրահավաք է նախաձեռնվել մարիխուանայի օգտագործման ապաքրեականացման համար, ինչպես նաև վեջինիս՝ կոմերցիոն նպատակներով պահման և աճեցման համար։ Համապատասխան առաջարկությունը հրապարակված է manabalss.lv կայքում։ Այս ռեսուրսը հարթակ է հասարակական նախաձեռնությունների համար, որտեղ իր առաջարկությունները կարող է ներկայացնել յուրաքանչյուր ցանկացող։ Եթե նախաձեռնության օգտին քվեարկի 10 հազար մարդ և ավելին, այն կստանա «կոլեկտիվ հայրարարության կարգավիճակ», որը պարտավոր կլինի քննարկել Լատվիայի խորհրդարանը։

Այս առաջարկության հեղինակն է ոմն Արիս Աբելեն։ Նրա կարծիքով՝ այս նախաձեռնությունը թույլ կտար զբաղվել հանցագործություններով, որոնք ավելի բացասական ազդեցություն ունեն հասարակության վրա: Ակտիվիստը համարում է, որ իր գաղափարը զգալիորեն կնվազեցնի այն մարդկանց թիվը, ովքեր չարաշահում են ալկոհոլը և այն մարդկանց թիվը, ովքեր տարբեր տեսակի ծխախոտներ են օգտագործում: «Բացի այդ, շատ երիտասարդների ճակատագրերը չեն կոտրվի ազատազրկման երկար ժամկետներով»,-ընդգծել է Աբելեն։

Հիշեցնենք, որ ամերիկյան Վաշինգտոն և Կոլորադո նահանգներում ընտրողները կողմ էին քվեարկել մարիխուանայի՝ առանց դեղատոմսի վաճառքին։