Յուրա Մովսիսյանը և Արտյոմ Խաչատուրովը, հնարավոր է, չմասնակցեն Հայաստան-Լիտվա հանդիպմանը

Չնայած պաշտոնական հրավերների առկայությանը, հնարավոր է, որ Մոլդովայի «Շերիֆի» պաշտպան Արտյոմ Խաչատուրովը փաստաթղթերի ձևակերպման մոլդովական գործընթացի հետ կապված չհասցնի ժամանել Հայաստանի ազգային հավաքական: Հնարավոր է նաև Յուրա Մովսիսյանի բացակայությունը, քանի որ Հայաստանի ազգային հավաքականի հարձակվողի ակումբի պաշտոնական հավաստմամբ Յուրա Մովսիսյանը վնասվածք ունի և գուցե չհասցնի վերականգնվել մինչ Հայաստանի ազգային հավաքականի մարզական հավաքը, այդ մասին ՀՖՖ պաշտոնական կայքին տված հարցազրույցում ասել է Հայաստանի ազգային հավաքականի գլխավոր մարզիչ Վարդան Մինասյանը, տեղեկացնում է ՀՖՖ-ի պաշտոնական կայքը: