Տիգրան Ուրիխանյանը Զարուհի Փոստանջյանից լկտի արտահայտություններ չէր սպասում
Վերջին լուրեր
Այսօր ՀՀ ԱԺ-ում Պետական-իրավական հարցերի մշտական հանձնաժողովի նիստի ժամանակ քննարկման դրվեց ԱԺ «Ժառանգություն» խմբակցության պատգամավոր Զարուհի Փոստանջյանի հեղինակած նախագիծը «Հարսնաքար»-ի գործով հանձնաժողով» ստեղծելու մասին, որը դրվեց քվեարկության և մերժվեց։
Կողմ էին քվեարկել ՀՅԴ պատգամավոր Արծվիկ Մինասյանը, ՀԱԿ պատգամավոր Գագիկ Ջհանգիրյանը, անկուսակցական պատգամավոր Էդմոն Մարուքյանը և «Ժառանգություն» կուսակցությունից Զարուհի Փոստանջյանը։
Քվեարկությանը ներկա չէր ԲՀԿ պատգամավոր Տիգրան Ուրիխանյանը, ում բացակայությանը Փոստանջյանն արձագանքեց այսպես. «Ուրիխանյանը թռա՞վ»։
Լուրեր.com-ը զրուցեց ԱԺ ԲՀԿ–ական պատգամավոր Տիգրան Ուրիխանյանի հետ՝ ճշտելու, թե ինչու չմասնակցեց քվեարկությանը։
«Ես չէի սպասում, որ երիտասարդ պատգամավորուհին կարող էր իրեն թույլ տալ նման լկտի արտահայտություններ։ Կոչ եմ անում, որպես հայ կնոջ՝ մի քիչ ավելի զուսպ մնալ և անվայելուչ արտահայտություններ չանել։ «Թռնելու» հետ կաված՝ թող սեփական գործելաոճին ուշադրություն դարձնի»։
Իսկ թե ինչու չմասնակցեց քվեարկությանը, և թե ինչպես կքվեարկեր, եթե մասնակցեր, Ուրիխանյանն ասաց. «Ես մեկնաբանում եմ միայն փաստացի տեղի ունեցած կամ ունեցող իրողությունները»։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
