Գերմանացի բժիշկները 21-կիլոգրամանոց ուռուցք են հեռացրել

Գերմանացի բժիշկներին Ալտենբուրգում հաջողվել է իրականացնել վիրահատություն 71-ամյա հիվանդի 21-կիլոգրամանոց ուռուցքը հեռացնելու համար։ Այս մասին հայտնում է հիվանդանոցի գլխավոր բժիշկ Ռիգո Ֆոյգտը։ Նրա խոսքերով՝ տղամարդը դիմել էր բժշկական օգնության որովայնի շրջանում ծանրության բողոքով։

Ստուգումից հետո տղամարդու մոտ ուռուցք է հայտնաբերվել, և հիվանդին վիրահատման են ուղարկել, որը մի քանի ժամ է տևել։ Վիրաբույժների համար հիմնական բարդությունը կայանում էր նրանում, որ ուռուցքը կիպ հարում էր աղիների կենտրոնական արյունատար անոթներին։ Ուռուցքի չափերը հասել են տրամագծով 37 սմ-ի։ Բժիշկների խոսքերով՝ վիրահատությունը հաջող է անցել և հիվանդը այժմ վերականգնվում է։