«Չելսին» առաջին անգամ Աբրամովիչի օրոք մրցաշրջանն ավարտեց շահույթով

Լոնդոնի «Չելսին» հրապարակել է 2011/12 թթ.-ի ակումբի ֆինանսական հաշվետվությունը: Ակումբի շահույթը կազմում է 1,4 մլն ֆունտ, տեղեկացնում է լոնդոնցիների պաշտոնական կայքը:

Այսպիսով «Չելսին» ռուս միլիարդեր Ռոման Աբրամովիչի օրոք առաջին անգամ տարին ավարտում է դրական ցուցանիշներով:

Հիշեցնենք, որ Աբրամովիչը «Չելսիի» բաժնետոմսերի վերահսկիչ փաթեթը գնել է 2003թ.-ին: Անցած մրցաշրջանում ակումբը 67 մլն ֆունտ կորուստ է ունեցել:

Բացի այդ, հաղորդվում է ակումբի 255,7 ֆունտ եկամուտի մասին, ինչը լոնդոնցիներին թույլ է տալիս շահույթի այդ շուցանիշով ակումբների շարքում զբաղեցնել 5-րդ հորիզոնականը: