Փող աշխատելու ազնիվ ձևս որն է

Facebook-ի օգտատեր Սարգիս Միքայելյանն իր էջում գրել է (ներկայացնում ենք առանց սրբագրական միջամտությունների).

«‎...Փող աշխատելու ազնիվ ձևը որն է?

Այսօր իմ սովորական, ամենօրյա ճանապարհն եմ գալիս տաքսով: Վարորդը՝ արդեն տարիքն առած ու ինձ անծանոթ ինչ-որ ակցենտով ինքն իր հետ անընդհատ զրույց անող մի հայրիկ, մեքենայում ջազ էր լսում: Լավ նշան էր!
... Հընթացս նկատեցի, որ հաշվիչի վրա գումարը փոխվում է ոչ թե 1 կմ, այլ 900, թե 800 մետրը մեկ... 3.5 կմ-ից, ապա 4.4-ից, հետո՝ 5.3-ից, և այլն... ))))))))
Բան չասացի, իհարկե՛: Համ էլ՝ իմ ամենօրյա ճանապարհն է, ես գիտեմ, որ ուղիղ 6 կիլոմետր է, միշտ վճարում եմ 1000 դրամ: Տեղ հասանք, հաշվիչի վրա 1000 դրամ էր, սակայն թվերը մի քիչ խամրած էին երևում: Տալիս եմ 1000 դրամանոցն ու շնորհակալություն հայտնում:
Նա, հանկարծ. "200 դրամ էլ պտի տաս, տղա ջան":
Ասում եմ. "Բայց հաշվիչի վրա հենց 1000 է.."
Վարորդը. "Չէ, լավ չի երևում, տղա ջան, 1200 ա..."
... Դեռ հանգիստ կրկնում եմ. "Նայեք, հայրիկ, ուղիղ 1000 է":
Նա, հայկական ավանդական մունաթով. "Է, դե 1200 ա, էլի... 200 էլ պտի տաս":
... Ես. "Տեսեք, Ձեր հաշվիչը ցույց է տալիս 6.7 կմ, ոնց է 1200...?"
Նա. "Է, էտի սխալ ա, ճիշտ հաշվիչ չի, 1200 ա... "
Արդեն նյարդայնացա. մարդն ուզում է ինձ լրիվ էշի տեղ դնել... Չդիմացա, հանեցի ևս 200 դրամ, տվեցի ու ասացի. ""Գիտեք, հայրիկ, փող աշխատելու ավելի ազնիվ ձևեր կան... ": Եվ արդեն իջնում էի, երբ պատասխան ռեպլիկն ինձ ուղղակի "սպանեց".
"Ի, Ա ՏՂԱ, ՓՈՒՂ ԱՇԽԱՏԵԼՈՒ ԱԶՆԻՎ ՁևՍ ՈՐՆ Ա...?"
.... )))))))))))))))))))))»։