ԱԺ-ն հավանության արժանացրեց ՄԻՊ 2013 թվականի բյուջեն ավելացնելու առաջարկը
Վերջին լուրեր
ՀՀ Ազգային ժողովը հավանության արժանացրեց ՀՀ մարդու իրավունքների պաշտպանի գրասենյակի 2013 թվականի բյուջեն ավելացնելու վերաբերյալ առաջարկը: Մարդու իրավունքների ազգային ինստիտուտների կարգավիճակի վերաբերյալ փարիզյան սկզբունքներով պետությունը պարտավորություն է ստանձնել զարգացնելու գրասենյակի կարողությունները, ինչն անհրաժեշտ է նրա՝ մանդատով նախատեսված լիազորությունների և պարտականությունների լիարժեք իրականացման համար:
Պաշտպանի գրասենյակը, լիազորված լինելով ՄԱԿ-ի ՄԻԳՀԳ-ի կողմից պաշտպանելու և խթանելու իրավապաշտպան հասարակական կազմակերպությունների գործունեությունը, որդեգրել է նոր քաղաքականություն, համաձայն որի այն ձեռնպահ է մնում զարգացման միջազգային կազմակերպություններից ուղիղ ֆինանսավորում ստանալուց և խրախուսում է վերջիններիս այդ ֆինանսավորումը տրամադրել հասարակական կազմակերպություններին: Սա նշանակում է, որ միջազգային կազմակերպությունների կողմից Պաշտպանի գրասենյակին արված դրամաշնորհային ծրագրերի բոլոր առաջարկները փոխանցվելու են մարդու իրավունքների պաշտպանության ոլորտում ակտիվ հասարակական կազմակերպություններին:
Նշված զարգացումները նախանշում են Պաշտպանի գրասենյակի և քաղաքացիական հասարակության հետ համագործակցության նոր ձևաչափ, որը կնպաստի համագործակցության արդյունավետության բարձրացմանը և համատեղ ջանքերով մարդու իրավունքների պաշտպանության իրականացմանը:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
