«168 ժամ». Գագիկ Ծառուկյանին` որպես քաղաքական առաջնորդ ներկայացնելը մի քիչ բարդ խնդիր է

«Եթե առաջնորդի պակասություն կա, կամ մարդիկ կան, ովքեր գիտեն, որ ժողովուրդն իրեն չի ընտրելու, հո չե՞նք վերցնելու դրա համար երկրի հերը լրիվ անիծենք»,- անդրադառնալով խորհրդարանական կառավարման անցում կատարելու` ԲՀԿ-ի ու մյուս կուսակցությունների առաջարկներին, «168 ժամ»-ի թղթակցի հետ զրույցում ասել է «Նոր ժամանակներ» կուսակցության նախագահ Արամ Կարապետյանը:

«Վերցնենք նույն ՀՀԿ-ն. եթե վաղը Սերժ Սարգսյանը չընտրվեց նախագահ կամ երկրորդ ժամկետն անցավ, Հանրապետականն ո՞ւմ է դնելու... Նույն «Բարգավաճը». Վարդան Օսկանյանը, հասկացանք, քաղաքական դեմք է, կընտրեին թե չէին ընտրի, դա երկրորդ խնդիրն է, բայց Գագիկ Ծառուկյանին` որպես քաղաքական դեմք, քաղաքական առաջնորդ ներկայացնելը մի քիչ բարդ խնդիր է»,- նշել է նա` ավելացնելով, որ դեմ լինելով կառավարման խորհրդարանական ձևին` կողմ է 100 տոկոսանոց համամասնական ընտրակարգին, սակայն` ուժեղ նախագահական ինստիտուտի առկայության պայմաններում: