ԱՄՆ-ն հրաժարվել է Վիկտոր Բուտին արտահանձնել Ռուսաստանին

ԱՄՆ-ի արդարադատության նախարարությունը նոյեմբեր 9-ին մերժել է Ռուսաստանին գործարար Վիկտոր Բուտի հանձման հարցում, ով դատարանի առաջ է կանգնել զնեքի առևտրի և ահաբեկիչների հետ կապերի համար. այս մասին հաղորդում է РИА Новости-ն՝ հղում կատարելով վերջինիս փաստաբան Ալբերտ Դայանին։

Փաստաբանի խոսքերով՝ արդարադատության նախարարությունում պատճառաբանել են այս փաստը Բուտի կատարած հանցագործության լրջությամբ։

Բացի այդ, Դայանը, հղում կատարելով նախարարության պաշտոնական կայքին, ավելացրել է, որ Բուտի արտահանձման մասին կրկնակի պահանջը Ռուսաստանը կարող է ներկայացնել այն բանից հետո, երբ Բուտը բանտում կանցկացնի 2 տարի կամ երբ «տեղի կունենան այլ փոփոխություններ»։ Փաստաբանի կարծիքով՝ այս խոսքերը ենթադրում են Բուտի գործով բողոքարկման գործընթացի ավարտ։

ԱՄՆ-ի արդարադատության նախարարությունում նաև նշել են, որ Բուտը խոստովանում է իր մեղքը և բողոքարկում է դատավճիռի դեմ՝ փորձելով փոխել այն, ինչն անհնար է դարձնում արտահանձման մասին հարցի լուծումը։

Հիշեցնենք, որ ռուս գործարար Վիկտոր Բուտը ձերբակալվել էր Թայլանդում 2008 թվականի մարտի 6-ին զենքի անօրինական վաճառքի կասկածանքով։

2010 թվականին Բուտին արտահանձնել են ԱՄՆ-ին, որտեղ նրան մեղադրել են ԱՄՆ-ի քաղաքացիների սպանության նպատակով ահաբեկչական կազմակերպությունների հետ կապերի մեջ, ինչպես նաև այլ հանցագործությունների մեջ։ 2012 թվականի ապրիլ ամսին Բուտին դատապարտել նե 25 տարի ազատազրկման։ 2012 թվականի օգոստոս ամսին Ռուսաստանի արդարադատության նախարարությունը սկսել է ԱՄՆ-ից Բուտի արտահանձման ընթացակարգը։ Ավելի վաղ Բուտի արտահանձման խնդրանքով արդարադատության նախարարություն էր դիմել վերջինիս կինը։