Մենք բոլորս ոգևորվել էինք Սերժ Սարգսյանի խորհրդակցություններով

Կարեն Հարությունյանը facebook սոցցանցի իր էջում գրում է.

«Հիասթափված եմ…

Մենք բոլորս ոգևորվել էինք Սերժ Սարգսյանի խորհրդակցություններով, հիացած էինք, թե ինչպես էր տեղը դնում բոլորին, վարչապետ, նախարարար չէր նայում, անխնա բարկանում էր: Համոզված էինք, որ այս 5 տարիների ընթացքում շատ զբաղված է եղել (երևի անձնական կյանքում խնդիրներ կային, ում հետ չի լինում) և չի նկատել, թե ինչ է կատարվում երկրում, իսկ իրեն ստորաբար խաբել են, չեն ասել որ խնդիրներ կան, վարդագույն ակնոցներ էին նվիրել նույնիսկ: Ականատես էինք լինում բացահայտմանը, բացահայտման հետևից, և արդեն տեսնում էինք պայծառ ապագան, առայժմ երազների տեսքով: Ինչպես նաև տեսանք, թե ինչ բարի և զգացմունքային մարդ է, այդքան չարաշահումներ և հանցագործություններ բացահայտելով, ոչ մեկին չձերբակալեցին, պատասխանատվության չենթարկեցին: Իսկ եթե հանցագործների հանդեպ է այդքան բարի, հետևաբար ժողովրդի հանդեպ սերն ուղղակի սահմաններ չունի: Բայց պարզվում է, օրերս, նա, ժողովրդի հետ հանդիպման ժամանակ, ասում է, որ մեր երկիրը փոքր է և ինքն ամեն մանրուքից տեղյակ է, ինչպես նաև այդքան էլ բարի չի դրսևորում իրեն ժողովրդի հանդեպ, ինչքան հանցագործների, փաստորեն անսահման սերը միայն հանցագործների նկատմամբ է տածում: Հիմա մենք հիասթափված ենք և չգիտենք ինչ մտածենք, ինչպե՞ս կբացատրեն ստեղծվածը մեր սիրելի Գալուստ և Էդուարդ Սահակյան-Շարմազանովները (ցանկալի է շուտ բացատրեն, որ հանգստանանք, համոզված եմ նրանք հնարքներ ունեն սա բացատրելու): Հ.Գ Երևի մենք դառնանք հանցագործ, որ արժանանանք հարգանքի»: