«Խոսքի ու գործի» մասով մի քիչ լավ չստացվեց ԲՀԿ-ի մոտ

Վահագն Սարոյանը facebook սոցցանցի իր էջում գրել է.

«ԱԺ պետաիրավական հարցերի հանձնաժողովում «Ժառանգություն» խմբակցության ներկայացրած «ժամանակավոր հանձնաժողով ստեղծելու մասին» որոշմանը դրական եզրակացություն տալուն փաստորեն խոչընդոտեց ԲՀԿ-ն' Տիգրան Ուրիխանյանի բացակայությամբ, ինչին Զարուհի Փոստանջյանը արձագանքել է, թե իբր «ԲՀԿ-ն թռավ»: Այս քայլը ցույց է տալիս, որ ընդդիմադիր ուժի իմիջը, որ այսքան ժամանակ է դրսևորվում է' միֆ է: Հիմա ինչ կերպ էլ մեկնաբանվի այս քայլը, միևնույնն է, քայլի էֆֆեկտը ունենում է այս տեսքը, որ ԲՀԿ-ն իր ընդդիմադիր խաղալով, քննադատելով ու «պուպուշ» երևալով, այնքան էլ անկեղծ չի: «Խոսքի ու գործի» մասով մի քիչ լավ չստացվեց էս իրավիճակում:

Մյուս կողմից լավ կլիներ քաղաքական ուժերը ակնհայտ իշխանատենչությունը կամ իշխանության մեջ ինչ-որ ձևով ներկայանալը լեգիտիմացնեն ոչ թե մրցավազքի, կամ բռնցքամարտի ռինգի տրամաբանությամբ, այլ իրական, առարկայական աշխատանքով, ինչը կդրսևորվի հասարակության ցածր շերտերի սոցիալական վիճակի բարելավմամբ:

Հ.Գ. Այսօր քաղաքացին վստահում ու գնահատում է միայն արած աշխատանքի համար, ոչ թե փողի ու ոսկե սարերի խոստումների: Քաղաքական ուժերի գործունեությունը պետք է ունենա լայնամասշտաբ ռեզոնանս և համատարած բարեկեցություն ապահովի իր ընտրողների համար»: