Ասադի կողմնակիցները վերագրավել են Ռաս ալ Այն քաղաքը

Սիրիայի կառավարական զորքերը մուտք են գործել Թուրքիայի սահմանի մոտ տեղակայված՝ քրդերով բնակեցված Ռաս ալ Այն քաղաք: Դաժան պայքարից հետո ապստամբները, որոնք գրավել էին քաղաքը երկու օր առաջ, փախել են դեպի Թուրքիա։ Քաղաքի ազատագրման ընթացքում սպանվել են տասնյակ ապստամբներ, հաղորդում է սիրիական հեռուստաընկերությունը։ Քրդերով բնակեցված Ռաս ալ Այնը (50 հազ. մարդ) թշնամաբար է դիմավորել զինյալներին և օգնություն է խնդրել իշխանություններից։ Փոխհրաձգությունը շարունակվել է նաև Գոլանի բարձունքներին, փոխանցում է ИТАР-ТАСС-ը։

Ինչպես հաղորդում է ВЗГЛЯД թերթը, հինգշաբթի օրը ընդդիմադիր Սիրիական ազատ բանակի զինյալները հայտարարել էին Թուրքիայի սահմանին կից Ռաս ալ Այն քաղաքի գրավման մասին։ Այս բնակավայրի պաշարման ընթացքում զոհվել է առնվազն տասը մարդ։ Ապստամբների խոսքերով՝ այս քաղաքը իրենց համար ռազմավարական նշանակություն ուներ։