Neue Zürcher Zeitung. Թուրքիայում ուղղաթիռի վթարից 17 զինվոր է զոհվել

Թուրքիայի հարավ-արևելքում շաբաթ օրը ռազմական ուղղաթիռի կործանման արդյունքում 17 զինվոր է մահացել: Ուղղաթիռն առավոտյան Սիիրթ նահանգի Փերվանի քաղաքում վթարի է ենթարկվել. մեջբերում է պարբերականը՝ հղում կատարելով նահանգապետ Ահմեդ Այդինին:

Վթարի պատճառները դեռ պարզ չեն: Դեպքը տեղի է ունեցել լեռնային շրջաններում, ուր շատ մառախլապատ է եղել այսօր. հաղորդում է TRT պետական հեռուստաընկերությունը:

Նշվում է նաև, որ, այնուամենայնիվ, շրջակայքում դեռ ակտիվ են մնում քրդական ապստամբները: