Դրամահավաք՝ «Փուչիկների գործով» մեղադրյալի համար
Վերջին լուրեր
Հանրապետության հրապարակում մայիսի 4-ին ՀՀԿ-ի համերգ-հանրահավաքի ժամանակ փուչիկների պայթյունի և հարյուրավոր երիտասարդների մարմնական վնասվածքների գործով մեղավոր ճանաչված Սերոբ Բոզոյանին օգնելու համար ՀՀ քաղաքացիները դրամահավաք են սկսել:
Լուրեր.com–ը զրուցեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի հետ, ով նշեց, որ քաղաքացիներն արդեն գրեթե 51.000 դրամ հավաքել են։ Գումար է տրամադրել նաև Հելսինկյան քաղաքացիական ասամբլեայի Վանաձորի գրասենյակը։
«Խնդիրը կարծես 150.000-ի մասին էր։ Սերոբ Բոզոյանն առողջական խնդիրներ ունի։ Ես միանշանակ Բոզոյանին համարում եմ քաղաքական գործընթացների կամ քաղաքականության զոհ, քանի որ այդ հավաքը, որտեղ տեղի ունեցավ դժբախտ պատահարը, քաղաքական էր։ Այդ հավաքի համար էին անհրաժեշտ փուչիկները, որի պատվերը տրված էր Բոզոյանին, իսկ նա պատվիրատուին զգուշացրել էր, որ փուչիկները լիցքավորված են մեթանով։ Պատվիրատուի հարցը մնաց դուրս, քննության ամբողջ ընթացքի վճարի հարցը մնաց դուրս։ Այս ամենի պատճառով Բոզոյանին մենք համարում ենք զոհ։ Ըստ էության, եղել է դժբախտ պատահար, իսկ Սերոբ Բոզոյանը՝ քավության նոխազ։ Անպայման չէր, որ նա լիներ ինչ-որ քաղաքական ուժի ներկայացուցիչ, որ նրան որակեինք քաղաքական հետապնդման զոհ։ Ես համարում եմ նրան քաղաքական ուժի վարվելակերպի զոհ»,-ասաց Սաքունցը։
Նրա խոսքերով՝ ՀՀԿ-ն խուսափում է իրավական պատասխանատվությունից և այդ ամենն ուղղում Սերոբ Բոզոյանի դեմ. «Դա ցույց է տալիս, թե ինչպես է այդ կուսակցությունը մարդկանց վերաբերում»։
Լուրեր.com–ը զրուցեց նաև հրապարակախոս Զարուհի Հովհաննիսյանի հետ, ով լրագրողի այն հարցին, թե դրամահավաքին քաղաքական գործիչներ մասնակցել են, թե՝ ոչ, ասաց.
«Ոչ մի քաղաքական գործիչ։ Գումարը դեռ ամբողջությամբ չի հավաքվել, բայց կան մարդիկ, ովքեր ֆեյսբուքում օգնություն են առաջարկել, ես փորձում եմ կապվել նրանց հետ։ Մենք կշարունակենք աջակցել Սերոբ Բոզոյանին, որպեսզի այդ վիճակից դուրս գա՝ քաղաքական համակարգից լքված, իշխանական համակարգից լքված և դատապարտված, քավության նոխազ դարձած և ֆիզիկապես սարսափելի ծանր վիճակում գտնվող մարդուն»,–ասաց Հովհաննիսյանը, ով ևս դրամահավաքի նախաձեռնող խմբի անդամ է։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
