ԱՄՆ-ի «Ֆինանսական ժայռի» լուծման տարբերակները

ԱՄՆ Կոնգրեսի բյուջեի հարցերով գրասենյակը միջամտեց դեմոկրատական և հանրապետական կուսակցությունների ներկայացուցիչների միջև այսպես կոչված «ֆինանսական ժայռի» շուրջ առկա տարաձայնությանը:

Մեծահարուստ ամերիկացիների հարկման ավելացումը և հարկման մակարդակի պահպանումը ֆինանսական ավելի քիչ կարողություններ ունեցող խավի համար զգալի վնաս չի հասցնի ԱՄՆ-ի  2013 թ. տնտեսական աճին: Այս մասին հայտնել է ԱՄՆ-ի Կոնգրեսի բյուջեի հարցերով գրասենյակը՝ այսպիսով միջամտելով դեմոկրատական և հանրապետական կուսակցությունների ներկայացուցիչների միջև այսպես կոչված «ֆինանսական ժայռի» շուրջ առկա տարաձայնությանը:

Որևէ կուսակցության չպատկանող Կոնգրեսի հեղինակավոր մարմնի կողմից հրապարակված զեկույցն ըստ էության պետք է քաջալերի ԱՄՆ-ի նախագահ Բարաք Օբամային, որպեսզի վերջինս շարունակի պահանջել հարուստների նկատմամբ կիրառվող հարկադրույքների բարձրացումը:

Հանրապետականները պնդում են սակայն, որ հարկերի ցանկացած բարձրացում կործանիչ կդառնա ԱՄՆ-ի տնտեսության, մասնավորապես փոքր բիզնեսի, ինչպես նաև ԱՄՆ-ի զբաղվածության շուկայի համար: Նրանք որևէ զիջում չեն նախատեսում կատարել այն դիրքորոշման մեջ, որի համաձայն նախագահ Ջորջ Բուշի օրոք հարուստներին տրված հարկային որևէ արտոնություն չպետք է դադարեցվի:

Կոնգրեսի հանձնաժողովի համաձայն՝ հարուստներին հարկային արտոնությունների դադարեցումը մինչև գալիք տարվա ավարտը աշխատատեղերի ավելացումը կնվազեցնի  մոտ 200 հազարով, մինչդեռ հանրապետականները պնդում են, որ հարկերի ավելացումը կնվազեցնի նույն ցուցանիշը 700 հազարով:

«Այս ընտրարշավի ամբողջ ընթացքում Ամերիկայի ժողովուրդը հստակ ուղերձ է հղել առ այն, որ մարդիկ նախընտրել են բյուջեի հավասարակշռված նվազեցման գործում ամենահարուստ ամերիկացիներից մի փոքր ավելի շատ ջանք գործադրելու խնդրանքով դիմելու շուրջ նախագահի տեսակետը», - ասել է ԱՄՆ-ի Սպիտակ տան խորհրդական Դեյվիդ Փլաֆը: