Հայաստանում շաքարախտով հիվանդ է 56000 մարդ

«Հայաստանում շաքարախտով հիվանդ է 56000 մարդ, Երևանում՝ 24000: Շաքարախտը մի հիվանդություն է, երբ մենք օրգանիզմում ունենում ենք գլյուկոզայի յուրացման հետ պրոբլեմներ, կապված ինսուլինի ազդեցության հետ. մի դեպքում դա կարող է լինել ինսուլինի բացարձակ անբավարարություն և կարող է լինել ինսուլինի ազդեցության բացակայություն: Հայաստանում իրավիճակն այնպիսին է, ինչպիսին ամբողջ աշխարհում: Շաքարախտն ամբողջ աշխարհում ընդունվում է որպես համաճարակ, որովհետև դա տարածվում է շատ աղետային թվերով ու ձևով, և չեն կարողանում կասեցնել դրա ընթացքը»,-այսօր լրագրողների հետ հանդիպման ժամանակ ասաց Հայաստանի շաքարախտի ասոցիացիայի նախագահ Էլզա Հայրապետյանը։

Ըստ Էլզա Հայրապետյանի՝ ավելի էժան և ձեռնտու կլինի շաքարախտի կանխարգելումը, քան բուժումը, իսկ կանխարգելումը նշանակում է, որ մարդ պետք է ապրի ճիշտ կենսակերպով, ինչից շատերը հեռու, են առավել ևս՝ Հայաստանում, քանի որ հայերը չեն սիրում հետևել իրենց առողջությանը:

Այնուամենայնիվ, բժշկուհու կարծիքով Հայաստանում հիվանդության առումով, իրավիճակն այնպիսին է, իչպիսին ամբողջ աշխարհում է։
Նոյեմբերի 14-ին շաքարախտի միջազգային օրն է, որի լուսաբանումն ամբողջ աշխարհում սկսում են մեկ շաբաթ առաջվանից:

2030թ-ին հաշվարկված է, որ ամբողջ աշխարհում 530 մլն. մարդ հիվանդ կլինի շաքարախտով: Տարեկան շաքարախտից մահանում է 4,3 մլն. մարդ: Շաքարախտի բուժման համար ամբողջ աշխարհում 465 մլն դոլլար է հատկացվում պետական բյուջեից: