Հալկը նույնպես կընտրեր Մեսսիին
Վերջին լուրեր
ՖԻՖԱ-ն շարունակում է հետաքրքրվել ֆուտբոլային աստղերի կարծիքներով աշխարհի լավագույն ֆուտբոլիստին որոշելու հարցում:
«Զենիթի» ֆուտբոլիստ Հալկը նշել է, որ կընտրեր «Բարսելոնայի» հարձակվող Լեոնել Մեսսիին:
«Կարծում եմ՝ ներկայումս աշխարհի լավագույն ֆուտբոլիստը Մեսսին է: Կատալոնացիներն ունեն բազում հիանալի ֆուտբոլիստներ, ինչը թույլ է տալիս նրանց հասնել թիմային և անհատական հաջողություների: Քրիշտիանու Ռոնալդուն նույնպես հաղթող է և բազմաթիվ գոլեր է հեղինակում: Բայց եթե մենք խոսում ենք լավագույն ֆուտբոլիստի մասին, այդ դեպքում ես կքվեարկեի Մեսսիի օգտին»,-ասել է Հալկը:
Լավագույն մարզչին որոշելու հարցում բրազիլացու համար ավելի բարդ խնդիր է:
«Մարզիչ ընտրելը բարդ է, քանի որ չենք տեսնում՝ ինչ է տեղի ունենում թիմի հետ օրեցօր: Կարծում եմ՝ լավագույն մարզիչ հիմնականում ընտրում են նրան, ով լուրջ հաղթանակներ է տոնել, օրինակ՝ Չեմպիոնների լիգան: Այդ իսկ պատճառով կընտրեի Ռոբերտո դի Մատեոյին: Ես չգիտեմ՝ արդյոք նա լավագույնն է, թե՝ ոչ, բայց նման կերպ կվարվեի՝ ելնելով նրա ունեցած հաջողություններից: Նա հաղթեց «Բարսելոնային», ինչպես նաև նվաճեց տիտղոսը, դա հանալի կատարված աշխատանք է: Դիտել եմ «Չելսիի» խաղը. և՛ տեխնիկապես, և՛ տակտիկապես նրանք շատ ուժեղ էին խաղում»,- Հալկի խոսքերը մեջբերում է ՖԻՖԱ-ի պաշտոնական կայքը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
