Իրաքը չեղյալ է հայտարարել Ռուսաստանից 4.2 մլրդ դոլարի զինամթերք գնելու գործարքը

Իրաքի ղեկավարությունը չեղյալ է հայտարարել 4.2 մլրդ դոլար արժողությամբ զինամթերք ձեռք բերելու մասին Ռուսաստանի հետ կնքած պայմանավորվածությունը. հաղորդում է Agence France-Press-ը՝ հղում կատարելով Ալի Մուսավիի իրաքյան կառավարությանը:

Գործակալության տվյալներով՝ Բաղդադը կաշառակերության կասկածներ ունի ռուսական կողմի նկատմամբ:

«Գործարքը չեղյալ է հայտարարվել: Երբ ալ Մալիքին վերադարձավ Ռուսաստանից, նա կասկածներ ուներ կաշառակերության հարցում, այդ պատճառով էլ նա որոշել է վերանայել ողջ գործարքը: Այդ հարցով հետաքննություն է գնում»,-ասել է կառավարության ղեկավարը:

Նա չի պարզաբանել, թե ում նկատմամբ է գնալու հետաքննությունը, ինչպես նաև նշանակելու է արդյոք Բաղդադը Մոսկվայի հետ նոր բանակցություններ, թե՝ ոչ:

Ռուսական կողմից գործարքի պատասխանատու «Рособоронэкспорт»-ը (ռազմական և երկակի նշանակության զինամթերքների ներմուծման և արտահանման ընկերություն) ոչ մի կերպ չի մեկնաբանել լուրերն այն մասին, որ Իրաքը չեղյալ է հայտարարել բազմամիլիոնանոց գործարքը Ռուսաստանի հետ:

«Մենք չենք մեկնաբանում այդ իրավիճակը»,-շաբաթ օրը հայտարարել է «Рособоронэкспорт»-ի մամլո քարտուղարը: