Հայաստանի և Արցախի ԱԳ նախարարները հանդիպել են

Այսօր՝ նոյեմբերի 10-ին, կայացել է Հայաստանի Հանրապետության և Լեռնային Ղարաբաղի Հանրապետության արտգործնախարարներ Էդվարդ Նալբանդյանի և Կարեն Միրզոյանի հանդիպումը:

Նախարար Նալբանդյանը շնորհավորել է ԼՂՀ նախարարին պատասխանատու պաշտոնի ստանձնման կապակցությամբ` մաղթելով հաջողություններ:

Նախարարները մանրամասն քննարկել են արցախյան հիմնախնդրի կարգավորման բանակցային գործընթացում տեղի ունեցած վերջին զարգացումները:

Հանդիպմանը երկուստեք կարևորվել է ՀՀ և ԼՂՀ արտաքին գործերի նախարարությունների միջև համագործակցության խորացումը, քաղաքական խորհրդատվությունների պարբերական անցկացումը:

ՀՀ ԱԳ նախարարն Արցախի իր պաշտոնակցի հետ մտքեր են փոխանակել տարածաշրջանային և միջազգային օրակարգի խնդիրների շուրջ:

Հանդիպումից հետո ՀՀ արտգործնախարարի անունից տեղի է ունեցել ընդունելություն` ԼՂՀ արտգործնախարարի պատվին պաշտոնի ստանձնման կապակցությամբ, որի ընթացքում Կարեն Միրզոյանին հանձնվել է ՀՀ արտգործնախարարության պատվո հուշամեդալը:

ՀՀ ԱԳՆ մամուլի ծառայություն