Այսօր ծնվել է ամերիկացի հանրահայտ դերասանուհի Դեմի Մուրը

1962 թվականի նոյեմբերի 11-ին է ծնվել ամերիկացի հանրահայտ դերասանուհի Դեմի Մուրը:

Ծնվել է Նյու Մեխիկո Նահանգի Ռոզուել քաղաքում, մեծացել է, մեղմ ասած, ոչ օրինավոր ընտանիքում` հայրն ու մայրը կախում են ունեցել խմիչքից, հաճախ են փոխել բնակության վայրը: 16 տարեկանում Դեմին թողել է ուսումը` մոդելային գործակալությունում աշխատելու համար:

Որոշ տեղեկությունների համաձայն` նա իր հարևանուհու` երիտասարդ դերասանուհի Նաստասա Կիմսկիի խորհրդով սկսել է նկարահանվել ֆիլմերում` հետագայում դառնալով ԱՄՆ-ի և ամբողջ աշխարհի ամենահայտնի ու ամենասիրված դերասանուհիներից մեկը:

Դեմի Մուրը խաղացել է այնպիսի հայտնի ֆիլմերում, ինչպիսիք են` «Չարլիի հրեշտակները», «Բոբբի», «Եթե պատերը կարողանային խոսել», «Միայն առաջ», «Սուրբ Էլմայի լույսերը», «Երջանկության արցունքներ», «Ջոնսների ընտանիքը», «Եվս մեկ երջանիկ օր»  և այլն:

Նշենք նաև, որ հաջողակ դերասանուհին, սակայն, այնքան էլ հաջողակ չէ անձնական կյանքում. ռոք երաժիշտ Ֆրեդի Մուրի և դերասան Բրյուս Ուիլիսի հետ ամուսնություններից  ու դերասան Էշթոն Քաթչերի հետ սիրային պատմությունից հետո նա այժմ միայնակ է,  ծնողների նման չարաշահում է ալկոհոլը և խնդիրներ ունի իր դստրերի հետ:

Հիշեցնենք, որ Դեմին երեք դուստր ունի իր և Բրյուս Ուիլիսի հետ ամուսնությունից: Նրանց ամուսնությունը Դեմիի անձնական կյանքում ամենաերկարն է եղել` 13 տարի` 1987-2000 թվականը: