Ապստամբություն Շրի Լանկայի բանտում

Շրի Լանկայի ամենամեծ բանտում կալանավորների կողմից սկսված ապստամբության արդյունքում առնվազն 27 մարդ է սպանվել։ Ծանր վիրավորվել է բարձրաստիճան մի սպա։ Տեղ հասած բանակային ուժերը մինչև լուսաբաց կարողացել են իրադրությունը վերցնել վերահսկողության տակ։

Վելիքադայի բանտում ապստամբությունը բռնկվել էր այն բանից հետո, երբ բանտի հատուկ ուժերը սկսել են թմրանյութերի և չթույլատրված բջջային հեռախոսների որոնման գործողություններ։ Ականատեսները նշել են, որ տեսել են, թե ինչպես էին ոստիկանները կրակում բանտի ուղղությամբ, որի տանիքից զինված կալանավորներն արձակել են պատասխան կրակ։ Կալանավորներին հաջողվել է մուտք գործել բանտի զինանոց և ձեռք բերել զենքեր, այդ թվում` ինքնաձիգ հրացաններ։

Ներկայումս շարունակվում են տեղանքը մաքրելու, զենքերն առգրավելու եւ փախուստի դիմած կալանավորներին հայտնաբերելու գործողությունները։