Ուկրաինայի խորհրդարանական ընտրությունների վերջնական արդյունքները

Ուկրաինայի ԿԸՀ-ն ամփոփել է Գերագույն Ռադայի ընտրությունների պաշտոնական արդյունքները, հաղորդում է Интерфакс լրատվական գործակալությունը:

Հիշեցնենք, որ խորհրդարանական ընտրություններն Ուկրաինայում անց են կացվել հոկտեմբերի 28-ին խառը համակարգով՝ 225-ական պատգամավորներ ընտրվել են մեծամասնական և համամասնական ընտրակարգերով:

Կիրակի օրը տեղի ունեցած նիստի ընթացքում ԿԸՀ-ն հաստատել է այն արձանագրությունները, որոնք հաստատում են վերջին 34 համամասնական ընտրատարածքներում պատգամավորների ընտրված լինելը:

Այսպիսով, համամասնական ընտրատարծքներում ընտրվել են 220 պատգամավորներ, որից Ռեգիոնների կուսակցությունից 113 հոգի, «Հայրենիք» կոալիցիայից՝ 39, «Ազատություն» կուսակցությունից՝ 12, «Հարված» կուսակցությունից՝ 6, «Միացյալ կենտրոն» կուսակցությունից՝ 3, «Ժողովրդական» կուսակցությունից՝ 3, «Միություն» և Օլեգ Լյաշկոյի ծայրահեղական կուսակցություններից մեկական, ինչպես նաև 43 անկախ պատգամավորներ։

Նախօրեին ԿԸՀ-ն հրապարակել էր մեծամասնական ցուցակներով ընտրությունների արդյունքները, որոնց համաձայն խորհրդարան են անցել 225 ժողովրդական պատգամավորներ, այդ թվում՝ Ռեգիոնների կուսակցությունը ստացել է 72 մադատ, «Հայրենիքը»՝ 62, «Հարվածը»՝ 34, Ուկրաինայի Կոմունիստական կուսակցությունը՝ 32, «Ազատությունը»՝ 25:

Այսպիսով, լրիվ մեծամասնական և համամասնական ցուցակներով խորհրդարան են անցել 445 պատգամավորներ, որից Ռեգիոնների կուսակցությունից՝ 185, «Հայրենիք»-ից՝ 101, «Հարված»-ից՝ 40, «Ազատություն»-ից՝ 37, Ուկրաինայի Կոմկուսից՝ 32, «Միասնական կենտրոնից»՝ 3, Ժողովրդական կուսակցությունից՝ 2, «Միություն»-ից՝ 1, Օլեգ Լյաշկոյի ծայրահեղական կուսակցությունից՝ 1, ինչպես նաև 43 անկախ պատգամավորներ: