Ուկրաինական ընդդիմությունը չի ճանաչել ԿԸՀ հրապարակած որոշ արդյունքները

Ուկրաինական ընդդիմադիր ուժերի «Բատկիվշինա» դաշինքն իր անհամաձայնությունն է հայտնել որոշ միամանդատ ընտրատարածքներում խորհրդարանական ընտրությունների արդյունքների կապակցությամբ՝ մեղադրելով երկրի ԿԸՀ–ին ընդդիմադիր թեկնածուների ձայները գողանալու մեջ։ Այս մասին հայտնում է Ինտերֆաքսը։

«Մենք երբեք չենք ճանաչի ԿԸՀ որոշումը և այդ անձանց համարում ենք ոչ թե ժողովրդի ընտրյալներ, այլ հանցագործներ։ Մենք կանենք հնարավոր ամեն ինչ, որպեսզի այդ քաղաքացիները մանդատ չստանան։ Մենք վստահ ենք, որ նման կերպով ընտրված Ռադան լեգիտիմ չէ»,– ասված է ընդդիմության հայտարարության մեջ։