Իրանում ահաբեկչության հետևանքով զոհերի թիվը հասել է 89-ի

Իրանում տեղի ունեցած ահաբեկչության զոհերի թիվը հասել է 89-ի, հայտնում է IRNA-ն։

Նշվում է, որ մահացածներից 12-ը մինչև 15 տարեկան երեխաներ են։ Ավելի վաղ երկրի ԱԳՆ ղեկավարը հայտնել էր 84 զոհի և 284 վիրավորի մասին։

Հունվարի 3-ին Իրանի հարավ-արևելքում գտնվող Քերման քաղաքում պայթյուններ են տեղի ունեցել Իսլամական հեղափոխության պահապանների կորպուսի գեներալ Ղասեմ Սոլեյմանիի սպանության չորրորդ տարելիցի կապակցությամբ հուղարկավորության արարողության ժամանակ: Պայթյուններն իրականացվել են հեռակա կարգով՝ գերեզմանատան մուտքի մոտ պայթուցիկով երկու պարկ է գտնվել։