Airbus-ը չեղարկել է 100 ինքնաթիռի առաքումն Իրան

Airbus-ն իր պատվերների գրքույկից հանել է 100 ինքնաթիռ, որոնք պետք է հանձնվեին իրանական Iran Air ավիաընկերությանը։ Այս մասին ասվում է արտադրողի 2023 թվականի հաշվետվության մեջ։ Մատակարարման պայմանագիրը կնքվել է 2016 թվականի վերջին, համաձայնագիրը սառեցվել է ԱՄՆ-ի կողմից Իրանի դեմ պատժամիջոցների վերականգնումից հետո։

Իրանի նկատմամբ որոշ սահմանափակումներ հանվել են 2016 թվականին՝ միջուկային համաձայնագրի շրջանակներում։ Դրանից հետո երկիրը պայմանավորվել է Airbus-ի հետ 100 ինքնաթիռ մատակարարել։ 

2018-ին հաղորդվեց, որ իտալական ինքնաթիռներ արտադրող Leonardo SpA-ն և Airbus SE-ն նոր գնորդներ են փնտրում Իրանի կողմից պատվիրված, բայց դեռ չհանձնված ATR ինքնաթիռի համար, որն արտադրվել է երկու ընկերությունների համատեղ ձեռնարկության կողմից: 18 ATR 72-600 ինքնաթիռի մատակարարման պայմանագիրը կնքվել է 2016 թվականին, դրա արժեքը կազմել է 1 միլիարդ եվրո, Իրանը ստացել է 12 ինքնաթիռ, ևս 6 ինքնաթիռ նրան չեն փոխանցվել պատժամիջոցների պատճառով։

Հիշեցնենք, որ այն բանից հետո, երբ 2018 թվականին ԱՄՆ-ն դուրս եկավ միջուկային գործարքից և վերադարձավ Իրանի նկատմամբ պատժամիջոցների քաղաքականությանը, Թեհրանը հրաժարվեց նախկին համաձայնագրերով ստանձնած մի շարք պարտավորություններից։