Apple-ը մարտին կներկայացնի նոր MacBook Air և iPad. Bloomberg

Apple-ը նոր նոութբուքերի և պլանշետների շնորհանդես կանցկացնի 2024 թվականի մարտին։ Այս մասին Bloomberg-ը հայտնում է իր Power On տեղեկագրում։

Հրատարակության խմբագիր Մարկ Գուրմանի խոսքով՝ ամերիկյան ընկերությունը մի քանի արտադրանք է պատրաստում պրեմիերայի համար։ Դրանց թվում կլինեն 13 և 15 դյույմանոց MacBook Air նոութբուքերy՝ M3 դասի չիպերով, ինչպես նաև նմանատիպ պրոցեսորով iPad պլանշետներ։

Սպասվում է, որ Apple-ը թարմացումներ կներկայացնի ինչպես iPad Pro-ի, այնպես էլ iPad Air-ի, ինչպես նաև ամբողջովին նոր 12,9 դյույմանոց iPad Air-ի համար: Pro պլանշետի հիմնական առանձնահատկությունները կլինեն M3 չիպը և OLED էկրանը, իսկ Air տարբերակը կսահմանափակվի միայն նոր պրոցեսորներով։ Պլանշետների հետ մեկտեղ պետք է հայտնվեն նոր աքսեսուարներ, այդ թվում՝ ալյումինե Magic Keyboard-ը:

Նոր արտադրանքի շնորհանդեսը պետք է տեղի ունենա փետրվարին կամ մարտին։ Սա կլինի Apple-ի այս տարվա առաջին թողարկումը, իսկ սարքերը վաճառքում կհայտնվեն մարտի վերջին։

Հիշեցնենք, որ նոր ֆիրմային M3 պրոցեսորների և դրանց հիման վրա համակարգիչների շնորհանդեսը տեղի է ունեցել 2023 թվականի հոկտեմբերին։