Հայտնի է՝ ինչ զենքով են խոցել օրերս Բելգորոդում կործանված Իլ-76-ը

Ուկրաինայի զինված ուժերը Patriot համալիրից ՄԻՄ-104Ա զենիթահրթիռային կառավարվող հրթիռ են կիրառել Իլ-76 ինքնաթիռը ոչնչացնելու համար, հայտնում է ՌԴ Քննչական կոմիտեն, գրում է ՌԻԱ Նովոստին։

«Համաձայն քննության ընթացքում կատարված փորձաքննությունների եզրակացության՝ դեպքի վայրից առգրավված բեկորները, ըստ իրենց նախագծային հատկանիշների, երկրաչափական բնութագրերի և առկա գծանշումների, հանդիսանում են Patriot համալիրի ՄԻՄ-104Ա զենիթահրթիռային կառավարվող հրթիռի կառուցվածքային տարրեր»,- ասված է մամուլի հաղորդագրության մեջ։

Վթարի վայրն ուսումնասիրելիս՝ փորձագետները հայտնաբերել են երկու հրթիռ և մեխանիզմների 116 բեկոր՝ անգլերեն մակագրություններով և գծանշումներով։

Քննչական կոմիտեից հայտնում են, որ փորձաքննությունների ընթացքում օբյեկտներում հայտնաբերվել են մինչև 10% օկտոգենի կեղտերով հեքզոգենի հետքեր, ինչը բնորոշ է արտասահմանյան արտադրության պայթուցիկներին։

Վթարի փաստով քրեական հետաքննությունը շարունակվում է։