Դամասկոսի արվարձանում իսրայելական հարվածի հետևանքով՝ զոհվել է ԻՀՊԿ ռազմական խորհրդականը

 Իսլամական հեղափոխության պահապանների կորպուսի (ԻՀՊԿ, Զինված ուժերի էլիտար ստորաբաժանումների) խորհրդական Սաիդ Ալիդադին մահացել է Դամասկոսի հարավային արվարձանների վրա Իսրայելի ռազմաօդային ուժերի հարձակման հետևանքով։ Այս մասին հայտնում է իրանական Student News Network հեռուստաալիքը:

Ավելի վաղ Al Arabiya հեռուստաալիքը հայտնել էր զինված շիա կազմավորման երկու մարտիկի մահվան մասին։

Իր հերթին Sky News - Arabiya հեռուստաալիքը հայտնում է, որ հարձակման զոհերի թիվը հասել է երեքի։ Նրա խոսքով՝ զոհվածների թվում կան Իրանի և Իրաքի քաղաքացիներ։

Ավելի վաղ՝ ուրբաթ օրը, Սիրիայի պաշտպանության նախարարությունը հայտնել էր իսրայելական օդային հարձակման մասին՝ գրավյալ Գոլանի բարձունքներից Դամասկոսից հարավ գտնվող մի քանի թիրախների վրա։ Ենթադրվում է, որ իսրայելական կողմի արձակած հրթիռների մի մասը խոցվել է սիրիական հակաօդային պաշտպանության համակարգերի կողմից։ Հարձակումը, ըստ գերատեսչության, հանգեցրել է նյութական վնասի։