Եվրասիական տնտեսական միությանն անդամակցությունից հրաժարվելը կհակասի Հայաստանի շահերին. ՌԴ փոխարտգործնախարար
Արտաքին Քաղաքական
Եվրասիական տնտեսական միությանն անդամակցությունից հրաժարվելը Հայաստանի համար անշահավետ կլինի, կհակասի նրա շահերին, ՌԻԱ Նովոստիին տված հարցազրույցում ասել է ՌԴ փոխարտգործնախարար Ալեքսանդր Պանկինը։
Հունվարի 1-ին ԵԱՏՄ նախագահությունը Ռուսաստանից անցավ Հայաստանին։ ՀՀ վարչապետ Նիկոլ Փաշինյանի խոսքով, հանրապետությունը շարունակում է զարգացնել փոխգործակցությունը տնտեսական համագործակցության շրջանակներում հենց այս համատեքստում՝ «փորձելով ճնշել եվրասիական ինտեգրումը քաղաքականացնելու բոլոր փորձերը»։
Ըստ Պանկինի՝ ԵԱՏՄ-ի շրջանակներում համագործակցությունն արդյունավետ է Հայաստանի համար, վերջին մի քանի տարիների ընթացքում երկիրը միության շրջանակներում դարձել է առաջատար այնպիսի ցուցանիշներով, ինչպիսիք են ՀՆԱ-ի աճը, հիմնական կապիտալում ներդրումները, ավարտված շինարարական աշխատանքների ծավալը և այլն։
«Այս ամենը մեծապես հնարավոր դարձավ միության ներսում միասնական շուկայի, աշխատանքային ռեսուրսների տեղաշարժի ազատության, ձեռնարկությունների բացման ընթացակարգի պարզության, էներգակիրների մատակարարման արտոնյալ պայմանների և այլնի շնորհիվ: Ըստ այդմ, միությանը անդամակցելը, անշուշտ, ձեռնտու է Երևանին, և դրանից հրաժարվելը, մեր կարծիքով, կհակասի երկրի շահերին»,- ասել է դիվանագետը։
«Հայաստանի վարչապետ Նիկոլ Փաշինյանի հնչեցրած առաջնահերթությունները համահունչ են ինտեգրացիոն շինարարության ոլորտում մեր մոտեցումներին, մենք հավատարիմ ենք արդյունավետ համագործակցությանը»,- հավելել է նա։
ՈՒՂԻՂ ԵԹԵՐ
Ամենադիտված 
Ով էր Ռուսաստանում բանջարեղենի շուկաները վերահսկող «օրենքով գողը», որի գլխի համար որս էին հայտարարել. Lenta.ru
